Farg‘ona viloyati hokimi tashabbusi asosida viloyatdagi barcha tuman (shahar) obodonlashtirish boshqarmalariga suv sepish maxsus transportlari topshirildi. Obodonlashtirish hamda yashil hududlarni parvarishlash uchun foydalaniladigan maxsus suv tashish va sepish uchun mo‘ljallangan transportlar yozgi issiqliklardan muhofaza qilishda ham muhim rol o‘ynaydi. Eng quvonarlisi shundaki, endi Dang‘ara tumani obodonlashtirish boshqarmasining transportlari qatoriga yana bir zamonaviy suv tashish va sepish uchun mo‘ljallangan transport qo‘shildi.