Dang‘ara tumani Naymancha MMTP xududida joylashgan Azizbek-1 fermer xo‘jaligida g‘o‘za maydonlarida birinchi kompleks ishlovni sifatli va tizimli amalga oshirish, g‘alla, ipak qurti parvarishi masalalariga bag‘ishlangan ko‘rgazmali seminar bo‘lib o‘tdi. Seminarda tuman hokimi, tuman prokurori, tuman IIB boshlig‘i, viloyatdan biriktirilgan vakillar, paxta-to‘qimachilik klasteri vakillari, fermerlar va sohaga daxldor idoralar rahbarlari ishtirok etishdi. Seminar davomida g‘o‘zaga ishlov berishning agrotexnik tadbirlari, kultivatsiya qilish, mineral o‘g‘itlar bilan oziqlantirish, zararkunandalarga qarshi kurashish masalalari mutaxassislar tomonidan batafsil tushuntirildi. Unib chiqqan g‘o‘za maydonida kultivatsiya o‘tkazish, yerni chuqur yumshatish kabi agrotexnik tadbirlar amaliy tarzda ko‘rsatib berildi.