“Hokim va yoshlar” uchrashuvi 🔷Dang‘ara tumani hokimligi majlislar zalida ochiq muloqot tarzida "Hokim va yoshlar" uchrashuvi bo‘lib o‘tdi. 🔷Uchrashuvda tuman hokimi, Yoshlar ishlari agentligi mas’ullari, tijorat banklari rahbarlari, mahallalardagi yoshlar yetakchilari, oliy ta’lim muassasalari, texnikum va kasb-hunar maktablarining bitiruvchi yoshlari ishtirok etishdi. 🔷Ochiq muloqotda tuman hokimi mamlakatimizda yoshlarni qo‘llab-quvvatlab, ularning orzu-istaklarini, g‘oya va tashabbuslarini amalga oshirish yuzasidan ko‘rsatilayotgan g‘amxo‘rliklar, yosh mutaxassislarga, tadbirkorlik bilan shug‘ullanish istagidagi yigit-qizlarga yaratilayotgan sharoitlar haqida atroflicha so‘z yuritdi. 🔷Muloqotda yoshlarning fikr va takliflari tinglanib, ularni amalga oshirish, bitiruvchilarni munosib ish o‘rinlari bilan ta’minlash masalalari muhokama etildi. Bildirilgan takliflar asosida aniq vazifalar belgilab olindi. 🔷Uchrashuv davomida yoshlarning murojaatlari eshitilib, barcha murojaatlar tegishli tartibda ro‘yxatga olindi. Yechimi topilgan murojaatlar joyida hal etildi va ayrim murojaatlar huquqiy maslahat va tushunchalar bilan qoniqtirildi.